2024 මැයි මස 19 වැනිදා ඉරිදා කුඩා හා මධ්‍ය පරිමාණ රාජ්‍ය ඇමැති ප්‍රසන්න රණවීර කටුනායක ගුවන්තොටුපළේ දී භාණ්ඩ එහා මෙහා ගෙන යන පෝටර්වරයකුගේ කන තදින් අත ගා තිබිණ. ගුවන් තොටුපළේ කුඩා පරිමාණයේ රැකියාවක් වන පෝටර් තනතුර ඇමැතිවරයා විසින් මධ්‍ය පරිමාණයට ඔසවා තැබීමට මෙලෙස ඔහුගේ කන අතගා ඔහු දිරිමත් කළේ යැයි අපි මුලින් සිතුවෙමු. එහෙත් එම අතගෑමෙන් පෝටර්වරයාගේ කනෙන් අමුතු ශබ්දයක් නොකඩවා ඇසෙන්නට ගෙන රතුවී, ඉදීමී ඒමත් සහ ඔහුගේ රැකියා තත්ත්වය උසස් වී නැති නිසා ඇමැතිවරයා අතගා නොව, ආවේගයෙන් කන හරහා කරන ලද පහරදීමක් වශයෙන් අපට හැඳින්වීමට පුළුවන. ගම්පහ දිස්ත්‍රික්කයෙන් 225 අතරට තේරී පත් වූ අයකු වන ප්‍රසන්න රණවීර රාජ්‍ය ඇමැතිවරයා මීට පෙර ද මේ ආකාරයේ නොවුණ ද කේස් පටලවා ගත්තෙකි. ඔහුගේ හැසිරීම මහජන නියෝජිතයකුට නොගැළපෙන බව ඔහු කිහිපවිටක් ම රටට ඔප්පු කර හමාර ය. සාමාන්‍ය දිනක දී පවා උත්තරීතර පාර්ලිමේන්තුවේ දී වුවද ඔහු හැසිරෙන්නේ කඹය කඩාගත්තු ලෙසිණ. දින පනස්හය ආණ්ඩු මාරුවේ දී අනෙක් මන්ත්‍රීවරු සමග හරි හරියට පාර්ලිමේන්තුවේ දී ජල්ලි ඇල්ලී...